اشعار بدر بن عبدالمحسن
جدول المحتويات
يعد الأمير بدر بن عبد المحسن بن عبد العزيز آل سعود من شعراء السعودية المبدعين، وقد ولد في مدينة الرياض سنة 1949 في بيئة تتسم بالعلم، ودرس الأمير ما بين مصر والسعودية؛ حيث أنه درس في مدرسة الملكة فيكتوريا في الإسكندرية.
اشعار بدر بن عبدالمحسن
فيما يلي أشعار بدر بن عبدالمحسن:[1]
- قصيدة على آخر تراب الأرض
“على آخر تراب الأرض …
أحسن أن المسافة شبر …
وكل الأرض … ما تحمل تعب مشوار …
أحس إني … رغم صغري … تفاهة عمر …
في صدري ندم جبّار …
يا ليت … يا ليت … ما كانت لي عيونك أرض
ولا عمري وقفت فـ يوم
على آخر تراب الأرض …
تصّورتك … وحزن الناس …
جرح النّاس … وهم النّاس … في عيونك ..
تخوني النّاس وتخونك …
تصّورتك في شامة ليل …
على خَدِ السَّما الزرقا
زحَام والدنيَا سهرانه …
أحَد نازل وَأحَد يرقى …
وأحَد مِثلك يخاف من الَبلل والطين …
يقول إن الرعد قاسي …
يحس ان المطر سِّكين
يحسّ ان الذي يضحك … يحس ان الذي يبكي …
لا حَد مسكين …
تصوّرتك … ولا ادري ليه …
ولا أظنك بَعد تدرين …
يا انتي ان المسافه ِشبر …
يا انتي إن الليالي َصبر …
وكل الأرض … ما تحمل تعب مشوار …
على آخر تراب الأرض …
على الميهاف …
ومرتني الليالي خفاف
تَعدَّت عمري المعدود …
دِريت ان الَمدى محدود …
وان الليل لا شعرك … ولا رمشك …
ولا شفت الشفق في خدود …
دريت اني عجزت املك … ولو همّي …
ونزيف الجرح … من دمي …
صحيح الدنيا ما تنشاف …
وانا وانتي على الدنيا …
وعلى الميهاف …
أحس ان المسافة شبر …
أحس إن الليالي … صبر …
وكل الأرض … ما تحمل تعب مشوار …
أحس إني رغم صغري … وتفاهة عمر …
في صدري ندم جبار …
يا ليت … … يا ليت … ما كانت لي عيونك أرض
ولا عمري وقفت فـ يوم
على آخر تراب الأرض …”
- قصيدة فكرة
“حبيبي من هو غيرك قد عشق فكره * طيف وخيال ونحولٍ يكسر الخاطر
ما حذرك عاذلك من غيه وسحره * ما قال قلبه خراب وموسمه باير
لا بر في دفتره لا شهد في حبره * لا ضي في غربته متبعثر وحاير
كني سمعتك وكل العين منتثره * دمعٍ صرختي ما بين السيف والحافر
لا تذبحونه ألم وأن طال به عمره * فاق بخياله جمال الماضي والحاضر
اللى طعنتوه خلوا شبر في صدره * يلقى به العشق وقت يقيم ويسافر
الكوكب اللي تقول الناس ياصغره * من كثر ما هو بعيد وشوفهم قاصر
لا تحسدونه خذا من خبزكم كسره * للجوع وأعطي شباب القلب والناظر
اللي قليله قليل ٍ فاض من كثره * واللي كثيره قليل الجوهر النادر
اللي قليله قليل ٍ فاض من كثره * واصابعه وان حسبتوا مالها اخر
اصابعه وان حسبتوا كلها عشره * وفي كل صخرٍ بياض عظامها نافر
في كل ارضٍ حفروديناها ظفره * وكل ما بكى كل دمعةٍ تولد بشاعر
كل ما انجرح شع نزفه واشتعل فكره * وكل ما بكى كل دمعه تولد بشاعر”
- قصيدة عاشق هالزمان
“لا انت حارس للنجوم .. ولا انت غارس للقمر
وما انت حابس للسموم .. ولا انت حاسس بالمطر
شايلٍٍ هم التراب .. وشايلٍ هم السما
وانت يغويك السراب .. وانت يقتلك الظما
تحمل هموم وهموم
وانت في الآخر بشر
***
لا انت فارس هالرمال .. ولا نوارس هالبحر
أعظم حروبك خيال .. واقصر دروبك سفر
شايلٍ هم الصديق .. وشايلٍ هم العدا
ليه تمشي والطريق .. كل ما خلص .. بدا
وليت به شيٍ يدوم
وانت في الآخر بشر
***
لا انت عاشق هالزمان .. ولا مشانق هالزهر
انت تحتاج الأمان .. لو تعانق لك حجر
شايلٍ هم الغياب .. وشايلٍ هم اللقا
كافي ضيعت الشباب .. لا يضيع اللي بقى
ما لأوهامك لزوم
وانت في الآخر بشر”
- قصيدة الرماد
“الشمس طاحت .. وبردت.. ورمد الشفق .. في حجر الارض
من يشتهي يدوس باقدامه على هالرماد كله ..
يا عابرٍ .. على المدى .. من السراب .. الى الندى ..
قلبي سقط فوق التراب شله..
او لا تدوس القلب خله .. كل يوم له شمس
وانا مالي سوى قلبي
انا .. من بكى لين الثرى بله بالدمع ..
ويوم اكتفى .. صد وعصر ظله .. ومسح بردنه .. وجنته ..
ثم ابتسم لين حسدوه الناس
يازارعٍ شوك الهراس .. فوق الرمل كله .. لاقدام من يكره الشوك
ياحظ من ياطى بقدم .. انا مالي سوى قلبي
الشمس طاحت ونثر الظلام ظله ..
على الجروح .. ياكاتم الزين الفضوح عن عيني
لا تظهر انيابك .. وتقطع احبابك شمات
انا من عطى ضي الشموس خله .. لين حسدوه الناس
ولا تنتظر غير السموس .. لله ..
انا مالي سوى قلبي ..”
المراجع
- aldiwan.net , اشعار بدر بن عبدالمحسن , 2024-06-04
